Гісторыі для каналаў, ваша музыка ў гісторыях і шмат чаго яшчэ

Чытаць арыгінальны допіс па-англійску
Гісторыі для каналаў, ваша музыка ў гісторыях і шмат чаго яшчэ

Наша мінулае абнаўленне, прымеркаванае да 10-годдзя Telegram, адзначыла гэтую падзею дадаваннем гісторый. А з гэтым абнаўленнем каналы змогуць размяшчаць гісторыі праз падтрымку ад карыстальнікаў. Самі гісторыі будуць палепшаны стыкерамі-рэакцыямі і магчымасцю дадаваць уласную музыку. А для самазнішчальных медыя была дададзена опцыя аднаразовага прагляду.

Гісторыі ў каналах

Карыстальнікі Telegram цяпер могуць даць магчымасць размяшчаць гісторыі сваім любімым каналам. Падпісчыкі Premium атрымліваюць магчымасць падтрымаць чатыры любыя каналы на свой выбар.

Падтрымка, якую атрымлівае канал, падвышае яго ўзровень – і на кожным узроўні канал атрымлівае магчымасць размяшчаць у стужцы гісторый сваіх падпісчыкаў 1 дадатковую гісторыю ў дзень.

Вы можаце перанакіроўваць сваю падтрымку на іншы канал кожныя 24 гадзіны.

Каналы могуць збіраць падтрымку праз спецыяльную спасылку, накшталт t.me/durov?boost. Каб атрымаць спасылку падтрымкі вашага канала і ўбачыць, колькі засталося да новага ўзроўню, перайдзіце ў Звесткі аб канале > Яшчэ > Статыстыка > Падтрымка.

Кіраўнікі каналаў могуць размяшчаць гісторыі

Пасля таго, як канал атрымае магчымасць размяшчаць гісторыі, то кіраўнікі з адпаведнымі паўнамоцтвамі і падпіскай Premium змогуць націснуць Post Story Icon на старонцы звестак аб канале, каб размясціць гісторыю ад імя канала.

Кіраўнікі таксама будуць бачыць опцыю «Стварыць гісторыю як…», калі будуць размяшчаць гісторыі са свайго спісу чатаў.

Стыкеры-рэакцыі ў гісторыях

І карыстальнікі, і каналы могуць дадаваць стыкеры-рэакцыі ў свае гісторыі – дазваляючы гледачам пакідаць водгукі яшчэ больш разнастайна і ў адзін дотык. Гісторыі, размешчаныя каналамі, паказваюць лічыльнікі рэакцый – то-бок колькі разоў карыстальнікі націснулі на кожную асобную рэакцыю.

Каб дадаць стыкер-рэакцыю, націсніце кнопку 💭 у панэлі стыкераў, а потым выберыце эмодзі з даступных варыянтаў у акне. Падпісчыкі Premium таксама могуць выбраць любы свой карыстальніцкі эмодзі.

Усім карыстальнікам можна дадаць 1 стыкер-рэакцыю на кожную гісторыю, а падпісчыкі Premium могуць дадаць да 5.

Ваша музыка ў гісторыях

Аўдыяфайлы з вашай прылады можна ўжываць у гісторыях – што дазволіць вам ствараць кантэнт з уласным гукавым суправаджэннем.

На панэлі стыкераў націсніце «Гук» і выберыце файл – а пасля выберыце на спектраграмме момант пачатку і канца гуку. У відэагісторыях вы таксама можаце пакінуць арыгінальны гук і накласці ваш аўдыяфайл паверх у любы момант відэа — напрыклад, зрабіць забаўны гукавы эфект у сярэдзіне або дадаць прыгожую музыку «на развітанне».

Аднаразовыя медыя

Telegram дадаў самазнішчальныя медыя вельмі даўно, яшчэ ў 2013 – а цяпер мы асвяжылі іх выгляд, назву, і дадалі новую наладу «Выдаліць адразу».

У любым прыватным чаце націсніце View Once Icon у рэдактары медыя, каб вызначыць, як доўга ваша фота або відэа будзе бачнае пасля прагляду – можна выбраць любую працягласць, ад «Выдаліць адразу» да 30 секунд. Аднаразовыя медыя будуць назаўсёды выдалены з чата – як і абяцана, адразу пасля таго, як атрымальнік яго прагледзіць.

Як і для ўсіх самазнішчальных медыя, для аднаразовых медыя забаронены здымкі экрана і захаванне ў галерэю.

Абвесткі аб новым уваходзе

Калі нехта ўвойдзе ў ваш уліковы запіс, то Telegram адправіць апавяшчэнне на ўсе вашы прылады. Каб іх было прасцей заўважыць, то яны цяпер паказваюцца ўверсе вашага спісу чатаў.

Калі вы не ўваходзілі на новай прыладзе, то націсніце «Не, гэта не я!», каб імгненна абараніць свой уліковы запіс. Вы можаце прагледзець усе прылады, якія маюць доступ да вашай гісторыі паведамленняў, у Наладах > Прылады.

Каб дадаткова абараніць ваш уліковы запіс, вы можаце ўключыць двухэтапную праверку паролем у Наладах > Прыватнасць і бяспека > Двухэтапная праверка.

Ніколі не ўводзьце коды ўваходу або ваш пароль ні на якім іншым сайце — толькі ў адпаведныя палі, калі ўваходзіце ў Telegram!

І шмат чаго яшчэ

Распрацоўшчыкі дадалі дзясяткі выпраўленняў і аптымізавалі шматлікія працэсы. Карыстальнікі iOS заўважаць, што адпраўка відэа палепшылася — яна цяпер хутчэйшая, а паказчык прагрэсу больш дакладны. Карыстальнікі Android могуць ацаніць палепшаную прадукцыйнасць падчас прагляд анімацый спойлераў, у тым ліку на аднаразовых і схаваных медыя.


І на сёння гэта ўсё, але мы ўжо працуем над наступным абнаўленнем, пакуль вы будзеце глядзець гісторыі ад каналаў.


22 верасня, 2023
Каманда Telegram

Other News

Захаваныя паведамленні 2.0, аднаразовыя галасавыя і відэапаведамленні, і яшчэ 8 новых магчымасцей

На працягу студзеня мы дадалі 10 новых магчымасцей у Telegram – сярод якіх палепшаныя захаваныя…
Jan 31, 2024

Палепшаныя выклікі, эфект распылення і новы функцыянал ботаў

Дзясятае абнаўленне Telegram у 2023 дадае абноўленыя выклікі з лепшай прадукцыйнасцю і меншым спажываннем зараду батарэі, новы эфект распылення…
Dec 31, 2023

Налады выгляду каналаў, адпраўка допісаў у гісторыях і шмат чаго яшчэ

З сённяшнім абнаўленнем любы карыстальнік зможа апублікоўваць допісы з каналаў як гісторыі, каналы атрымаюць пашыраныя налады выгляду,…
Dec 23, 2023

Падобныя каналы, публікацыя гісторый іншых аўтараў і яшчэ 9 іншых магчымасцей

Сённяшняе абнаўленне дадае новыя магчымасці для пошуку каналаў на адну і тую ж тэму, публікацыі гісторый іншых аўтараў і для запісу ві…
Nov 30, 2023