Рэакцыі, спойлеры, пераклады і QR-коды

Чытаць арыгінальнае апавяшчэнне па-англійску
Рэакцыі, спойлеры, пераклады і QR-коды

Дванаццатае абнаўленне Telegram у гэтым годзе уводзіць рэакцыі, пераклад паведамленняў, тэматычныя QR-коды, схаваны тэкст (спойлеры) і шмат чаго яшчэ.

Рэакцыі

Telegram стаў першым месенджарам, які дадаў анімаваныя і інтэрактыўныя эмодзі, адкрываючы карыстальнікам небывалыя дагэтуль спосабы самавыражэння ў чатах. А сёння некаторыя з эмодзі змогуць паказваць вашы рэакцыі, што дапаможа вам выказваць падтрымку і іншыя пачуцці – і паведамленні пры гэтым адпраўляць не трэба.

Двойчы націсніце паведамленне, каб адправіць рэакцыю 👍. Каб убачыць больш рэакцый кшталту 😁 🎉 😱 🔥 👎, націсніце на паведамленне (або націсніце і ўтрымлівайце на iOS). Кожная рэакцыя мае сваю ўнікальную анімацыю.

Вы можаце змяніць вашу рэакцыю па змаўчанні на іншы эмодзі. Android: Налады чатаў > Хуткая рэакцыя. iOS: Стыкеры і эмодзі > Хуткая рэакцыя.

У асабістых чатах рэакцыі заўсёды ўключаны. У суполках і каналах кіраўнікі могуць вырашаць, ці уключаны рэакцыі і якімі эмодзі яны могуць быць выказаны. Гэта адкрывае безліч магчымасцяў для зваротнай сувязі – ад простых «падабаек» ❤️ да сістэм галасавання 👍👎 і далей!

Кіраўнікі могуць наладзіць рэакцыі ў сваёй суполцы або канале праз старонку звестак > Рэдагаваць > Рэакцыі. Каб пашырыць магчымасці сувязі з аўдыторыяй, паспрабуйце таксама каментарыі для каналаў і апытанні.

Спойлеры

Каб пагутарыць за лёсы Цыры або Пітэра Паркера, не руйнуючы іншым асалоду дазнацца пра гэта самастояна, выберыце любую частку тэкста падчас уводу і дастасуйце новае фарматаванне «Спойлер». Такім чынам вы схаваеце абраную частку паведамлення ў чаце, а таксама ў спісе чатаў і ў апавяшчэннях.

Калі набярэцеся духу ўбачыць, што ж там схавана, націсніце спойлер, каб паказаць яго тэкст.

Пераклад паведамленняў

Ужо больш за палову мільярда людзей ва ўсім свеце карыстаюцца Telegram не толькі каб заставацца на сувязі з сябрамі, але і каб шукаць новыя знаёмствы ў публічных суполках, і каб глядзець мемы на каналах – на кожнай мове, якая толлькі існуе. А цяпер вы можаце перакласці любое паведамленне проста ў праграме!

Уключаючы Пераклад у Наладах > Мова вы дадаеце кнопку «Перакласці» у кантэкстнае меню пры выбары паведамлення. Вы таксама можаце выключыць тыя мовы, якімі валодаеце – і тады кнопка будзе схаваная для паведамленняў на гэтых мовах.

Пераклад даступны для ўсіх прылад на Android, якія падтрымліваюць Telegram, але патрабуе iOS 15+ для прылад Apple. Спіс даступных моў для перакладу залежыць ад аперацыйнай сістэмы вашай прылады.

Тэматычныя QR-коды

Вы можаце згенераваць QR-коды для любога карыстальніка з публічнай спасылкай. Гэта таксама працуе з суполкамі, каналамі і ботамі, што дазваляе вам лягчэй запрашаць людзей у ваш любімы блог ці фан-клуб.

Націсніце новую іконку QR-кода побач з імем карыстальніка (або на старонцы звестак чата), выберыце колеры і ўзор, які вам больш падабаецца, а потым можаце друкаваць, перадаваць ці іншым чынам дзяліцца вашым кодам з людзьмі і праз праграмы.

QR-код для вашага асабістага імя карыстальніка можна атрымаць у Наладах.

Новыя меню для macOS

Мы зрабілі новы дызайн для усіх кантэкстных меню ў Telegram для macOS – дадаючы новыя падказкі для скаротаў і прыгожыя анімаваныя іконкі для кожнага пункту меню ў праграме.

Новыя інтэрактыўныя эмодзі

Нашыя аніматары дадалі інтэрактыўныя версіі для эмодзі 🔥 😁 🤩 😢 😭 😱 ❄️. Адпраўце любы з іх у асабістых чатах, а потым даткніцеся да яго, каб, разам са суразмоўцам, пабачыць анімаваны эфект.

Дзякуй вам усім за неверагодны год. Зычым усім і самім сабе, каб 2022 быў нават лепшым. 🎉


30 снежня 2021
Каманда Telegram

Іншыя навіны

الموضوعات في المجموعات، المُعرّفات القابلة للتحصيل، تحويل الصوت إلى نص في الرسائل المرئية والمزيد

يُضيف تحديث اليوم: المواضيع لتنظيم المناقشات في المجموعات الكبيرة، شكل جديد من المُعرّفات…
5 Ліс, 2022

تفاعلات لا نهائية، تعيين حالة بالرموز التعبيرية، والمزيد

‎أحدث التحديث السابق لتيليجرام ثورة في الرموز التعبيرية، مضيفًا منصةً مفتوحةً لإنشاء رموز تعبيرية متحركة مخصصة. يمنحك هذا التحديث المزيد…
16 Вер, 2022

منصة تيليجرام للرموز التعبيرية، رموز تعبيرية متحركة مُخصّصة، إهداء تيليجرام المُميّز، والمزيد

يُقدّم تحديث اليوم: منصة تيليجرام للرموز التعبيرية، رموز تعبيرية متحركة في الرسائل وفي وصف…
12 Жні, 2022

٧٠٠ مليون مستخدم و تيليجرام المُميّز

الآن أكثر من ٧٠٠ مليون مستخدم نشط شهريًا على تيليجرام. نطلق اليوم تيليجرام المُميّز وهو اشتراك يتيح لك دعم التطوير المستمر لـ تيليجرام ويتيح لك الوصول إلى ميزات إضافية حصرية.
21 Чэр, 2022