700 миллион қолданушы және Telegram Premium

Telegram 2022 жылы әлем бойынша ең көп жүктелген 5 қолданбаның қатарына кіріп, ай сайынғы белсенді қолданушылар саны 700 миллионнан асты. Бұл өсім тек жеке ұсыныстардың арқасында болды, Telegram ешқашан қолданбасын жарнамалау үшін ақша төлемеген.

Telegram зымыран жылдамдығымен өсіп келе жатқандықтан, көптеген қолданушылар біздің команданы қолдағысы келетінін білдірді. Бүгін Telegram Premium қызметін іске қосамыз, бұл жазылым Telegram-ның үздіксіз дамуын қолдауға мүмкіндік береді және эксклюзивті қосымша мүмкіндіктерге қол жеткізуді қамтамасыз етеді.

Бұл бізге жылдар бойы қолданушылар сұраған ресурсты көп қажет ететін мүмкіндіктерді ұсынуға мүмкіндік береді, ал әлемдегі ең қуатты мессенджерге тегін қол жеткізу сақталады.

Telegram Premium

Telegram Premium-ға жазылу арқылы қолданушылар екі еселенген шектеулерді, 4 ГБ файл жүктеуді, жылдам жүктеулерді, эксклюзивті стикерлер мен реакцияларды, жетілдірілген чат басқаруды және тағы басқаларды ашады.

Сонымен қатар қолданушылар он жылға жуық уақыт бойы күткен және қолданыстағы барлық мүмкіндік тегін қала береді. Бұдан бөлек, Premium-ге жазылмағандар да кейбір артықшылықтарды қолдана алады, мысалы: үлкен құжаттарды жүктеп алу, Premium қолданушылар жіберген стикерлерді көру және хатқа қосылған Premium реакциялардағы есептегіштерді арттыру.

Premium жазылушыларының үлестері қолданбаны ондаған жылдар бойы жақсартуға және дамытуға көмектеседі, ал Telegram тегін, тәуелсіз болып қала береді және қолданушыға басымдық беретін құндылықтарын сақтайды, технологиялық компания қалай жұмыс істеуі керектігін қайта анықтайды.

4 ГБ жүктеп салу

Кез келген қолданушы үлкен файлдар мен медианы, әрқайсысы 2 ГБ-қа дейін, жүктей алады және Telegram Cloud-та шексіз сақтау орнын тегін қолдана алады. Telegram Premium арқылы жазылушылар енді 4 ГБ файлдарды жібере алады, бұл 1080p сапасындағы 4 сағаттық бейне немесе 18 күндік жоғары сапалы аудиоға жеткілікті.

Барлық Telegram қолданушысы Premium-ға жазылғанына қарамастан бұл үлкен құжаттарды жүктей алады.

Жылдам жүктеу

Premium жазылушылары медианы және файлдарды ең жоғары мүмкін жылдамдықпен жүктей алады. Шексіз бұлттық сақтау орнындағы барлық нәрсеге желіңіздің жылдамдығына сәйкес қол жеткізе аласыз.

Екі еселенген шектеулер

Premium қолданушылар қолданбаның дерлік барлық мүмкіндігі үшін шектеулерді арттырады. Premium арқылы сен 1000 арнаны қадағалай аласыз, әрқайсысында 200 чатқа дейін болатын 20 чат бумасын жасай аласыз, кез келген Telegram қолданбасына төртінші тіркелгіні қоса аласыз, негізгі тізімде 10 чатқа дейін бекіте аласыз және 10 сүйікті стикерді сақтай аласыз.

Сондай-ақ өзіңіз жайлы ұзартып жаза аласыз және оған сілтеме қоса аласыз. Сол сияқты Premium медиаға қосымша таңбалар қосуға мүмкіндік береді. Кез келген хатқа жауап берудің дұрыс жолын табу 400 сүйікті GIF-ке дейін оңайырақ болады. Premium қолданушылар 20 жария t.me сілтемесін сақтай алады, бұл кез келген топты немесе арнаны қысқа әрі нақты сілтемемен ерекшелендіреді.

Дауысты мәтінге

Дауысхаттарын тыңдағыңыз келмеген кезде оларды мәтінге айналдыра аласыз. Танылған мәтінді жақсартуға көмектесу үшін оларды бағалай аласыз.

Бірегей стикерлер

Premium қолданушылар ай сайын Telegram суретшілері жаңартатын әсерлі толық экранды анимациясы бар стикерлерді жібере алады. Бұл әсерлерді барлық қолданушы көреді.

Барлық жинағыңыздан Premium стикерлерін стикерлер тақтасының арнайы бөлімінде, “Соңғы/жуырдағы” астында жылдам таба аласыз.

Бірегей реакциялар

Premium қолданушылар хаттарға реакция жасаудың жаңа жолдарын ашады, сияқты 10-нан астам жаңа эмоджи, сондай-ақ сияқты жаңа сүйіктілер.

Чат басқару

Telegram Premium чат тізімін ұйымдастыруға арналған жаңа құралдарды қамтиды, мысалы: қолданбаны әрқашан «Жаңа» сияқты арнайы бумада ашу үшін әдепкі чат бумасын өзгерту.

Әдепкі буманы өзгерту үшін чат тізіміндегі буманы басып тұрыңыз → Қайта реттеу → және өзіңізге ұнайтын буманы бірінші бос орынға сүйреңіз.

Сонымен қатар жазылушылар Құпиялық пен қауіпсіздік бөлімінде жаңа чаттар өздігінен мұрағатталып және мәлімдемесін үнсіз етуге мүмкіндік беретін баптауды қоса алады.

Анимациялы бейін суреті

Premium қолданушылардың бейін бейнелері бүкіл қолданбада барлық адам үшін чаттарда және чат тізімінде анимацияланады.

Premium таңбасы

Барлық қолданушы атының жанында арнайы таңба алады, ол чат тізімінде, чат тақырыптарында және топтардағы мүшелер тізімінде көрсетіледі.

Premium қолданба таңбасы

Premium қолданушылар өздерінің басты экранына жеке тұлғасына немесе тұсқағазына сәйкес келетін жаңа таңбаларды қоса алады.

Жарнамасыз

Кейбір елдерде үлкен, көпшілікке арналған арналарда демеушілік хаттар көрсетіледі. Бұл минималистік, құпиялықты сақтайтын жарнамалар Telegram-ның жұмыс шығындарын қолдауға көмектеседі, бірақ Telegram Premium жазылушылары үшін енді көрсетілмейді.

Premium жазылымдары Telegram-ға Premium мүмкіндіктерінің қосымша шығындарын ғана емес, сонымен қатар барлығына арналған Telegram-ның тегін нұсқасын қолдауға көмектеседі.

Бәріне арналған жақсартулар

Premium жазылушыларына арналған қызықты мүмкіндіктерді шығаруды жалғастыра отырып, біз барлығына қолжетімді тегін мүмкіндіктерді де енгіземіз және бұны кез келген танымал қолданбадан жылдам жасаймыз. Бұл жаңарту да ерекшелік емес, ол жария топтарға арналған қосылу сұранымдарын, сыртқы бөлісуге арналған анимациялы экранды, жетілдірілген бот сипаттамаларын және т.б.

Жария топтарға қосылу сұранымдары

Жария топтар енді қосылу сұранымдарын қоса алады, бұл топ әкімшілеріне жаңа мүшелерді чатқа жазуға рұқсат бермес бұрын қарауға мүмкіндік береді. Топты ашқан қолданушылар «Қосылуға сұраным» батырмасын басып, олардың сұранысы тек әкімшілерге қолжетімді тізімге қосылады.

Әкімші қосылғысы келетін қолданушыларға жазып, ережелерді түсіндіре алады, олардың топқа сәйкес келетінін тексере алады немесе тіпті қарсы алу кешін жасай алады. Әкімші жазғанда Telegram қолданушыға оның топ әкімшісі ретінде хабарласып жатқанын көрсетеді.

Жария топтардың иелері қосылу сұранымдарын Топ ақпары → Өңдеу → Топ түрі → Кім хат жібере алады → бөлімінде Тек мүше таңдауы арқылы қосып, Жаңа мүшені қабылдау мүмкіндігін іске қоса алады.

Чаттағы растау таңбасы

Танымал тұлғалар мен ұйымдар өздерінің тобы, арнасы немесе ботын растап, қолданушыларға хаттардың расталған дереккөзден келіп жатқанын көрсету үшін растау таңбасын ала алады. Бейіндерге, іздеу нәтижелеріне және чат тізіміне қосымша, бұл таңбалар енді чаттың жоғарғы жағында да көрсетіледі. Бұл расталған ақпарат көздерін анықтауды одан да жеңілдетеді.

Кем дегенде екі әлеуметтік желіде расталған болсаңыз, өз тобыңызды, арнаңызды немесе ботыңызды растай аласыз.

Жақсартылған боттар

Telegram-дағы боттар сізге куиздерге қатысуға, төлем қабылдауға, тұтас веб-сайттарды алмастыруға көмектесе алады. Енді бот әзірлеушілері өз боттарының «Бұл боттың қолынан не келеді?» бөлімінде мүмкіндіктерін көрсету үшін сурет немесе бейне қоса алады.

тіркемелер мәзіріне біріктірілген боттар енді жеке чаттарға қосымша топтар мен арналарда да жұмыс істей алады.

Bot API – бәріне қолжетімді тегін әрі ашық платформа. Өз ботыңызды жасағыңыз келсе, мына бетке қараңыз.

Android-та жетілдірілген чат көрінісі

Бұл жаңарту iOS-пен тең жетілдірілген чат алдын ала қарауды әкеледі. Енді оларды оқылған деп белгілемей-ақ толық чатқа көз жүгірте аласыз. Чатты оқылған деп белгілеу, үнсіз ету, бекіту немесе жою үшін жаңа батырмалар қосылды.

Чатты алдын ала көру үшін чат тізіміндегі бейін суретін басып ұстасаңыз жеткілікті.

Android-та галереяға өздігінен сақтау

Медианы галереяға өздігінен сақтау мүмкіндігі қайта оралды және күшейтілді: медианы сақтау енді қолданушылармен, топтармен немесе арналармен чаттар үшін бөлек қосылып немесе өшірулі бола алады.

iOS-та жетілдірілген сыртқы бөлісу

2 ГБ-қа дейінгі (немесе 4 ГБ) файлдарды жіберу мүмкіндігімен, қолданушылар басқа қолданбалардан үлкен медианы кез келген ұялы платформада Telegram-ға оңай бөлісе алады. Бұл уақыт пен сақтау орнын үнемдейді, файлды Telegram-да жібермес бұрын сақтаудың қажеті жоқ.

iOS-та басқа қолданбадан үлкен файлдарды жібергенде, енді анимациялы үдеріс жолағын көріп, шай ішуге уақытыңыз бар ма, әлде эспрессомен шектелу керек пе екенін біле аласыз.

macOS-та анимациялы бейін суретін жасаушы

macOS қолданушылары енді жылдам түрде жеке бейін суретін жасай алады, кез келген стикерді немесе анимациялы эмоджиді таңдап, түрлі-түсті градиентті фон қосыңыз. Оны өз бейініңізге немесе топ/арна суреті ретінде орната аласыз, дайын суреттерді іздемей-ақ чаттарға арналған кейіп таңбасын жасау оңай.

Осындай сурет жасау үшін Баптау немесе Чат ақпары бетіне кіріп, Өңдеу > Бейін суреті > Стикер немесе Эмоджи таңдаңыз.

Жылдам әрі қуатты

Бұл жаңарту мобильді және десктоп қосымшаларға арналған 100-ден астам түзету мен оңтайландыруды қамтиды, қателерді жояды, жылдамдықты арттырады және ұсақ мүмкіндіктерді кеңейтеді. Соңғы iPhone және iPad қолданушылары қолданбаада айтарлықтай тегіс анимацияларды (120 FPS) алады. Android қолданушылары дауысхат пен бейнехаттарда жақсартылған аудио және бейне сапасын байқайды, сондай-ақ баламалы қолданба таңбаларды орнату, барлық соңғы стикерді бірден тазалау және қолданушы өзі жайлы немесе чат сипаттамасын аудару мүмкіндіктерін алады.

Бұл жаңарту біртіндеп енгізілуде. Қолданбаңыз жаңартуды ұсынбаса, күте тұрыңыз, жаңа нұсқа жақында қолжетімді болады.

Рақмет

Бүгін Telegram тарихындағы маңызды күн, бұл жаңа белесті ғана емес, Telegram-ның тұрақты табыс табудың басталуын да білдіреді. Біз Telegram дамуы ең алдымен қолданушылардың қолдауымен жүруі керек деп сенеміз, жарнама берушілермен емес. Осылайша біздің қолданушылар әрқашан басты басымдығымыз болып қала береді.

2022 жылы 19 маусым
Telegram командасы