Музыка ў профілі, новыя профілі, тэмы падарункаў і шмат чаго яшчэ

У сённяшнім абнаўленні вы можаце дадаваць музыку ў свой профіль, выбіраць асноўную ўкладку профілю, задаваць унікальныя тэмы чатаў у залежнасці ад вашых калекцыйных падарункаў, дапамагаць сябрам паляпшаць іх падарункі — і шмат чаго яшчэ.

Музыка ў вашым профілі

Аўдыяфайлы з любога вашага чата цяпер можна дадаць у профіль, проста націснуўшы на файл у медыяплэеры. Пасля дадання ў профіль трэк з’явіцца ў прыгожай панэлі пад вашай фатаграфіяй.

Калі вы дадаяце трэкі ў свой профіль, аўтаматычна ствараецца плэйліст, які ўключае папярэднія трэкі.

Каб дадаць музыку ў свой профіль, націсніце кнопку «Дадаць у профіль» у медыяплэеры або выберыце гэты трэк і націсніце Захаваць у… > Профіль.

Новы дызайн профілю на Android

Дзякуючы нядаўняму конкурсу, профілі на Android цяпер маюць стыльны новы дызайн з анімацыямі пракруткі, якія ўпершыню былі прадстаўлены на iOS.

Telegram рэгулярна праводзіць конкурсы для распрацоўшчыкаў, дызайнераў, стваральнікаў кантэнту і іншых таленавітых людзей — і некаторыя з гэтых конкурсаў даюць магчымасць далучыцца да каманды Telegram.

Асноўная ўкладка профілю

Цяпер вы можаце выбіраць, якая ўкладка будзе з'яўляцца першай, калі нехта адкрывае ваш профіль — каб звяртаць увагу на вашы захаваныя гісторыі або калекцыі падарункаў.

Каб змяніць асноўную ўкладку ў вашым профілі, перайдзіце ў Налады > Мой профіль, утрымлівайце ўкладку і выберыце Зрабіць асноўнай укладкай.

Тэмы падарункаў

З 2021 года карыстальнікі Telegram могуць прымяняць тэмы да асобных чатаў. Сёння мы дадаем дзясяткі новых дынамічных фонаў для чатаў, заснаваных на падарунках Telegram, — іх уладальнікі цяпер могуць усталяваць іх як індывідуальную тэму ў любым асабістым чаце.

Адзіны спосаб разблакаваць гэтыя фоны — мець падарунак. Кожны фон чата заснаваны на атрыбутах падарунка — мадэлі і фоне падарунка — для стварэння унікальнай тэмы для кожнага калекцыйнага прадмета. Адзін падарунак адкрывае адну тэму для аднаго чата.

Гэтае новаўвядзенне працуе з Plush Pepes, Prescious Peaches, Durov's Caps і Heart Lockets.

Паляпшэнне падарункаў для іншых карыстальнікаў

Цяпер вы можаце адпраўляць «Зоркі», каб пакрыць кошт паляпшэння падарунка ў профілі іншага карыстальніка — калі ў яго не хапае «Зорак» або ён не ведаў, што падарунак можна пераўтварыць. Калі карыстальнік пазней вырашыць палепшыць свой падарунак, гэта будзе для яго бясплатна.

Новы фільтр «Можна палепшыць» дазваляе лёгка знаходзіць падарункі, якія можна палепшыць. А з дапамогай кнопкі «Палепшыць наступны падарунак» вы можаце палепшыць некалькі падарункаў запар.

А таксама, каб зрабіць распакоўку калекцыйных прадметаў яшчэ больш захапляльнай, нашы дызайнеры дадалі дадатковую інтрыгу ў анімацыю паляпшэння.

Кошт падарунка

Карыстальнікі могуць бяспечна абменьвацца калекцыйнымі падарункамі на кірмашы падарункаў у Telegram.

Пры праглядзе характарыстык падарунка новае поле «Кошт» паказвае яго прыкладны кошт перапродажу. Яго можна разгарнуць, каб убачыць больш статыстыкі — напрыклад, сярэдні кошт продажу іншых падарункаў з той жа калекцыі.

Міні-праграма для стыкераў

Карыстальнікі Telegram могуць ствараць уласныя стыкеры з дапамогай убудаванага рэдактара і кіраваць наборамі праз бота @Stickers.

Ад сёння новая міні-праграма для стыкераў дазваляе вам ствараць стыкеры і эмодзі, кіраваць сваімі наборамі і праглядаць падрабязную статыстыку выкарыстання.

Любы карыстальнік можа ствараць, дасылаць і абагульваць ўласныя малюнкі з дапамогай адкрытай платформы Telegram для стыкераў і эмодзі.

Лета прайшло — час вяртацца да спраў!

31 жніўня, 2025
Каманда Telegram