Карыстальніцкія наборы эмодзі, Telegram Premium як падарунак і шмат чаго яшчэ

Мінулым месяцам Telegram мінуў адзнаку у 700 мільёнаў актыўных карыстальнікаў і дадаў Telegram Premium – спецыяльную падпіску, якая дазваляе падтрымаць распрацоўку Telegram і атрымаць доступ да эксклюзіўных дадатковых магчымасцей.

Сённяшняе абнаўленне дадае анімаваныя наборы эмодзі ў паведамленнях і подпісах да медыяфайлаў, магчымасць падарыць Telegram Premium, новую наладу прыватнасці для галасавых паведамленняў – і гэта не ўсё!

Дадатковыя наборы эмодзі

Карыстальнікі Premium атрымліваюць 10 дадатковых набораў эмодзі, кожны з якіх мае тузін эмодзі з унікальнымі персанажамі – агулам гэта больш за 500 эксклюзіўных эмодзі, і ў будучыні іх будзе больш.

Калі вы пачняце пісаць паведамленне, кнопка стыкераў ператворыцца ў кнопку эмодзі, праз якую можна адкрыць новую панэль эмодзі – каб вы маглі хутка прагледзець вашы наборы эмодзі або дадаць новыя.

Усе карыстальнікі — з падпіскай Premium або без – будуць бачыць любы анімаваны эмодзі. Таксама кожны можа ужываць усе анімаваныя эмодзі абсалютна бясплатна ў сваім чаце «Захаванае», каб праверыць іх або аздобіць свае нататкі і напаміны.

Усе наборы падтрымліваюць прапановы — проста ўвядзіце скарачэнне накшталт :усмешка або :ахах, каб убачыць вынікі з усёй бібліятэкі вашых эмодзі. А калі вы ўведзяце статычны эмодзі, то таксама атрымаеце прапановы, якімі анімаванымі яго можна замяніць.

Мы таксама прапануем новыя эмодзі як адкрытую платформу – кожны можа запампаваць свой уласны набор з унікальным мастацкім стылем і персанажамі.

Дадатковыя інтэрактыўныя эмодзі

Многія папулярныя дадатковыя эмодзі таксама зроблены інтэрактыўнымі, то-бок калі вы адправіце іх у асабісты чат, то вы і ваш суразмовец могуць націснуць на іх, каб прайграць сінхранізаваны поўнаэкранны эфект.

Паспрабуйце іх са звычайнымі эмодзі і незвычайнымі, накшталт .

Новая панэль стыкераў, анімацый і эмодзі для iOS

Мы зрабілі новы дызайн для панэлі стыкераў на iOS, з асобнымі ўкладкамі для стыкераў, анімацый і эмодзі – як гэта зроблена ў праграмах для Android, камп'ютараў, а таксама ў вэб-версіях.

Ва ўсіх праграмах укладка з анімацыямі мае тысячы высакаякасных анімацый з вашых любімых фільмаў і шоу – дзякуючы ўдзельнікам нашага нядаўняга конкурсу.

Налады прыватнасці для галасавых паведамленняў

Карыстальнікі Premium атрымліваюць новую наладу, якая дазваляе ім вызначаць, хто можа адпраўляць ім галасавыя і відэапаведамленні – Усе, Мае кантакты, або Ніхто.

Як і ў іншых наладах прыватнасці, тут таксама можна дадаваць выключэнні, каб асобныя карыстальнікі або групы карыстальнікаў ніколі або заўсёды мелі дазвол на адпраўку вам такіх паведамленняў.

А нават калі нехта з вашага спісу Заўсёды дазваляць злоўжыў гэтым вашым дазволам і адправіў галасавое паведамленне ў вельмі нязручны час, то вы можаце сканвертаваць яго ў тэкст.

Каб змяніць гэтую наладу, перайдзіце ў Налады > Прыватнасць і бяспека > Галасавыя паведамленні.

Telegram Premium як падарунак

Цяпер вы можаце адкрыць цудоўны свет Telegram Premium для сваіх сяброў, сваякоў і калег, адпраўляючы ім аплачаную падпіску на 3, 6 або 12 месяцаў – са скідкай.

Адкрыйце профіль карыстальніка і націсніце або , а пасля выберыце Падарыць Premium. Падораная падпіска адразу прыйдзе карыстальніку як спецыяльнае паведамленне – з анімаванай каробкай для падарунка.

Калі вы карыстаецеся праграмай Telegram для камп'ютараў або спампавалі праграму для Android напрамую з нашага сайта, то вы можаце скарыстацца дапамогай бота @PremiumBot, каб падпісацца на Telegram Premium або падарыць падпіску.

Частыя пытанні цяпер маюць асобны раздзел для Telegram Premium – там вы даведаецеся, як кіраваць сваёй падпіскай, якія магчымасці яна прапануе і чаму ад яе такія цёплыя і прыемныя пачуцці.

Новыя інтэрактыўныя эмодзі

Дадаванне новых інтэрактыўных эмодзі з поўнаэкраннымі эфектамі стала добрай традыцыяй для кожнага абнаўлення, таму сёння мы дадаём . Адпраўце любы з гэтых эмодзі ў асабісты чат, каб атрымаць вялікі анімаваны эмодзі, які прайграе спецыяльны эфект, калі на яго націснуць:

Гэтыя эмодзі таксама даступныя як рэакцыі – пакуль што толькі для падпісчыкаў Premium, але пазней мы зробім іх даступнымі для ўсіх карыстальнікаў.

Любы карыстальнік можа карыстацца эксклюзіўнай рэакцыяй на паведамленне, калі папярэдне на яго ім адрэагаваў падпісчык Premium.

На сёння ўсё. Хай лета цешыць вас, а мы пакуль вернемся назад у свае падземныя сутарэнні – там няма спёкі, а новае абнаўленне ўжо пакрысе падрастае.

12 жніўня, 2022
Каманда Telegram