Топ хикаясы және қосымша 8 мүмкіндік

Telegram топтардағы сөйлесуді мүлде жаңа деңгейге шығарады: көпшілікке арналған байланысты қайта айқындайтын 9 жаңа мүмкіндік қосылды. Енді топтар хикая жариялай алады және оларды бейінінде жазба ретінде сақтай алады. Топтар бірегей тұсқағаздар мен статустар орната алады, сондай-ақ сыртқы көрінісін ең ұсақ бөлшектеріне дейін баптай алады, соның ішінде топ бейінінің мұқабасындағы түсі мен таңбасы немесе сілтеме стилі. Бұл мүмкіндіктердің бәрі қазірдің өзінде қолжетімді және оларды сүйікті чаттарына дауыс беретін топ мүшелері аша алады. Бұндай дауыс алған топтар енді өз мүшелеріне дауысты мәтінге түрлендіру және Premium жеке эмоджи қолдануды да ұсына алады.

Топқа дауыс беру

Енді топтар мүшелердің дауыстары немесе ұтыс арқылы деңгей жинай алады. Топ хикаясы мен жеке кейіптен бөлек, жоғары деңгейлер топ ішіндегі хат алмасу кезінде дауысты мәтінге түрлендіру және жеке эмоджи сияқты Premium мүмкіндіктерге қолжеткізуді береді.

Топ хикаясы

Бұл жаңарту топтарда жаңа байланыс тәсілін ұсынады: енді әкімшілер хикая жариялай алады. Мүшелердің жауаптары топқа жіберіледі, сол арқылы жаңа әңгімелер басталады.

Топ атынан хикая жариялау үшін топ бейініндегі хикая таңбасын (+) басыңыз немесе хикая өңдегішіндегі «Хикая жариялаушы» бөлімінен топты таңдаңыз.

Эмоджи статус, мұқаба, тұсқағаз және сілтеме стилі

Дауыс алған топтар Telegram-ға ғана тән бірегей баптау мүмкіндіктерін қолдайды. Топтың бейін мұқабасының түсі мен таңбасын өзгертуге, эмоджи статус орнатуға және топты ашқан барлық адамға көрінетін тұсқағазды таңдауға болады.

Эмоджи статус үшін топтар Telegram суретшілері жасаған мыңдаған эмоджидің бірін таңдай алады, топ атауының жанына анимациялы геймпадтан бастап жұмбақ баклажанға дейін қоюға болады.

Топты баптау үшін оның бейінін ашып, Өңдеу → Кейіп тармағын таңдаңыз. Қандай көрініс баптаулары қолжетімді болатыны топтың деңгейіне байланысты.

Топтың эмоджи жинағы

Жоғары деңгейдегі топтар чат ішіндегі байланыс үшін Telegram Premium-нің кейбір мүмкіндіктерін ашады.

Әкімшілер жеке эмоджи жинақтарының бірін таңдай алады, тіпті оларда Telegram Premium болмаса да, оны топтағы барлық мүше қолдана алады.

Telegram суретшілері жасаған эмоджи жинағын таңдауға немесе тек өз тобыңызға арнап бірегей жинақ жасауға болады.

Дауысты мәтінге түрлендіру және т.б.

Дауыс алған топтардың мүшелері топқа жіберілген дауыс пен бейнехаттар үшін шексіз дауысты мәтінге түрлендіру транскрипциясын да қолдана алады.

Бұл тек бастамасы. Болашақ жаңартуларда топ чатын күшейтетін тағы да көп мүмкіндік қосылады.

Әр деңгейде қолжетімді барлық топ артықшылығының тізімін мына жерден табуға болады.

Дауыс бергендерге арналған рұқсаттар

Топқа дауыс берген қолданушылардың хаттарында арнайы Дауыс берушінің таңбасы көрсетіледі, ол әр жаңа дауыс берген сайын өзгеріп отырады. Әкімшілер дауыс бергендерге арнайы рұқсаттар бере алады, мысалы Баяу режімін немесе басқа шектеулерді елемеу сияқты бірегей артықшылықтар.

Telegram Premium құрамында кез келген топқа не арнаға тағайындауға болатын 4 дауыс бар. Ал Premium-ді сыйлық ретінде берген сайын тағы 3 дауыс аласыз.

Бұл жаңартуға тағы 5 мүмкіндікті қосуды жоспарлаған едік, бірақ App Store әулиелері бізді қолдамады. Ештеңе етпейді, бұл мүмкіндіктерді наурыздағы жаңартуда жақын арада көресіз.

2024 жылы 29 ақпан
Telegram командасы