Відэавыклікі з 1000 гледачамі, відэапаведамленні 2.0, хуткасць прайгравання і шмат чаго яшчэ

Чытаць арыгінальны допіс па-англійску
Відэавыклікі з 1000 гледачоў, відэапаведамленні 2.0, хуткасць прайгравання і шмат чаго яшчэ

Гэтае абнаўленне выводзіць відэа на новы ўзровень. Групавыя відэавыклікі цяпер могуць умяшчаць да 1000 гледачоў, відэапаведамленні запісваюцца ў вышэйшай якасці і разгортваюцца на ўвесь экран, а звычайныя відэа можна прайграваць на палове ці ў падвоенай хуткасці. Мы таксама дадалі паказ экрана з гукам ва ўсе відэавыклікі, у тым ліку асабістыя — і гэта мы толькі пачалі.

Групавыя відэавыклікі 2.0

Групавыя відэавыклікі даюць да 30 карыстальнікам магчымасць трансляваць відэа з экрана ці камеры, а цяпер 1000 карыстальнікаў у адначассе могуць іх глядзець – былі б гэта анлайн-лекцыі ці рэп-батлы.

Мы будзем узвышаць гэтае абмежаванне, пакуль усе людзі Зямлі не змогуць далучыцца да відэавыкліка і ўбачыць, як мы ладзім з гэтай нагоды святочны спеў (ужо хутка).

Каб распачаць групавы відэавыклік, стварыце галасавы чат са старонкі звестак аб суполцы (або ў меню ⋮ на Android), якой вы кіруеце – а затым уключыце відэа.

Відэапаведамленні 2.0

Відэапаведамленні – выдатны спосаб занатаваць сваё наваколле ці падзяліцца ім з сябрамі, не захоўваючы нічога на прыладу. Цяпер яны запісваюцца ў вышэйшай раздзяляльнай здольнасці, а яшчэ іх можна разгарнуць на ўвесь экран, каб адчуць кожны новы піксель.

Даткніцеся да відэа, каб прыпыніць яго, а таксама займець магчымасць прамотваць уперад ці адмотваць назад, калі раптам нешта прапусцілі.

Каб запісаць відэа, даткніцеся да значка мікрафона ў полі ўводу паведамлення – так вы пераключыцеся на рэжым запісу відэа. Пасля ўтрымлівайце кнопку, каб зрабіць запіс, і адпускайце, калі скончыце. Даткніцеся да кнопкі яшчэ раз, каб вярнуцца ў рэжым запісу галасавых паведамленняў.

Дарэчы, гук з вашае прылады не будзе прыпыняцца падчас запісу, так што можаце паказваць сябрам, як вы падпяваеце ўлюбёнай песні, ну або скарыстаеце з магчымасці не адрывацца ад праслухоўвання падкасту. У дадатак, калі будзеце здымаць праз асноўную камеру, то можна прыбліжаць запіс і паказваць рэчы на адлегласці або дадаваць драматычны эфект (адпаведная музыка пастаўляецца асобна).

Хуткасць прайгравання відэа

Каб вам можна было хутчэй спажываць інфармацыю з лекцый і пераглядаць удары кунг-фу ў замедленым рэжыме, прайгравальнік цяпер дазваляе прайграваць відэа ў 0.5x, 1.5x і 2x хуткасці прайгравання. Наш Android-распрацоўшчык фанацее па калібры, так што праграма для Android падтрымлівае 0.2x хуткасць.

Каб змяніць хуткасць прайгравання відэа, націсніце ⋮ на Android або ⋯ на iOS падчас прагляду відэа ў поўнаэкранным рэжыме.

З 2019 года можна было дадаваць пазнаку часу кшталту 0:30 у подпісах і адказах на відэа (у тым ліку з YouTube), каб ствараць спасылкі на гэты момант у відэа – а цяпер вы можаце ўтрымліваць пазнаку, каб скапіяваць спасылку і падзяліцца момантам у іншым чаце.

Паказ экрана з гукам

Паказ экрана цяпер даступны і для асабістых выклікаў, а таксама цяпер уключае гук з вашай прылады – у любым відэавыкліку. Так што ўпэўніцеся, што вы выйшлі з Super Mario перад пачаткам сваёй прэзентацыі — або не выходзьце: мабыць раптам гукавыя спецэфекты вам толькі на карысць?

Калі ўключаеце відэа ў любым выкліку, то можаце змахваць улева ці ўправа, каб выбіраць перадачу відэа з экрана ці з камеры — а таксама паглядзець перадпрагляд відэа, каб упэўніцца, што ўсё гатова да выхаду ў жывы эфір.

Каб уключыць паказ экрана ў відэавыкліку, даткніцеся да кнопкі з іконкай камеры і выберыце свой экран як крыніцу відэа.

Аўтавыдаленне пасля 1 месяца

Паведамленні ў любым чаце могуць быць наладжаны на аўтаматычнае выдаленне праз 1 дзень ці тыдзень – а цяпер і месяц, як вам раптам патрэбна, каб паведамленні знікалі менавіта па поўным абароце Месяца вакол Зямлі.

Аўтавыдаленне паведамленняў праз 1 месяц

Каб уключыць таймер на Android, націсніце ⋮ > Ачысціць гісторыю, а пасля выберыце перыяд часу. На iOS, нацсніце і ўтрымлівайце на любым паведамленні, а потым у меню націсніце Выбраць > Ачысціць чат (уверсе злева) > Уключыць аўтавыдаленне.

Дакладнае маляванне

Рэдактар медыя дазваляе ўпрыгожваць вашыя фотаздымкі і відэа малюнкамі, надпісамі і стыкерамі. Каб прасцей было рабіць дэталі, якія патрабуюць пэўнасці (ідэальныя вусы, вострыя вушы…), таўшчыня пэндзля цяпер змяншаецца пасля прыбліжэння, даючы вам доступ да звышчалавечай дакладнасці.

Каб змяніць таўшчыню пэндзля ў любы іншы момант, пацягніце кропку на палітры выбару колеру ўверх.

Версія Telegram Desktop цяпер таксама мае свой рэдактар, які дазваляе абразаць, паварочваць ці адлюстроўваць відарысы, а таксама рабіць малюнкі ці дадаваць налепкі. І, дарэчы, толькі ў гэтай версіі можна адпраўляць адрэдагаваныя файлы без сціскання, прыбрашўшы пазнаку Сціснуць відарысы.

Анімацыі для экрана ўвода кода ўваходу ў праграму

Новыя анімацыі даюць інтэрфэйсу ўводу кода свежы выгляд. Калі ў вас анімаваны фон, то ён будзе паказвацца і на экране ўводу кода. Дыскатэка не сканчаецца.

Аднаўленне пароля і напаміны

Мы дадалі новае акно ў наладах, якое дазволіць папрактыкавацца з уводам пароля двухэтапнай праверкі.

Калі вы забылі пароль, то новая опцыя скіду пароля ўратуе вас, калі вы нават не пазначалі адрас электроннай пошты для аднаўлення — галоўнае, каб вы не выходзілі са свайго ўліковага запісу. Працэс зойме 7 дзён і можа быць перарваны з любой вашай прылады.

Новыя магчымасці для камеры на iOS

Камера ў праграме цяпер падтрымлівае ўсе ўзроўні прыбліжэння вашай прылады – у тым ліку 0.5x і 2x, калі яны падтрымліваюцца. Вы таксама можаце заціснуць кнопку, каб адкрыць колца прыбліжэння і наладзіць усё з максімальнай дакладнасцю.

Каб скарыстацца камерай у праграме, націсніце іконку 📎 у полі ўводу паведамлення, а пасля выберыце камеру ў меню дастасаванняў.

Дадатковыя магчымасці для iOS

Цяпер вы можаце выбраць некалькіх атрымальнікаў для перасланых паведамленняў – проста націсніце «Выбраць» у меню перасылкі, каб распаўсюдзіць лепшыя мемы сярод лепшых сяброў.

Некалькі атрымальнікаў перасланага паведамлення на iOS

Змахваючы чаты двума пальцамі, вы можаце выбраць некалькі чатаў для масавых дзеянняў кшталту архівацыі, выдалення ці пазначэння прачытаным.

А аватары цяпер заўсёды застаюцца побач са сваімі адпаведнымі паведамленнямі падчас гартання чата, так што цяпер не заблытаецеся і будзеце ведаць, дзе чыё, нават. калі. нехта. проста. піша. словы. вось. так.

Новыя анімаваныя эмодзі

Ніякае абнаўленне Telegram не можа выйсці ў свет без новых анімаваных эмодзі. Як заўсёды, адпраўляеце адзін эмодзі і бачыце вось гэтую прыгажосць у чаце:

І на сёння гэта ўсё. Мы ўжо робім наступнае, з падвоенай хуткасцю.


30 ліпеня, 2021
Каманда Telegram

Іншыя навіны

استوری‌های گروه و ۸ قابلیت دیگر

تلگرام، با ۹ قابلیت جدید، مکالمات درون گروه‌ها را وارد مرحله جدیدی می‌کند و معنای ارتباط چند به چند را تغییر می‌دهد. از این پس، گروه‌ها می‌توانند استوری منتشر کنند و آن‌ها را به عنوان…
29 Лют, 2024

پیام‌های ذخیره شده 2.0، پیام‌های صوتی یک بار پخش‌شونده و ۸ قابلیت دیگر

۱۰ قابلیت جدید به تلگرام اضافه کردیم که شامل پیام‌های ذخیره شده‌ی ارتقا یافته، پیام‌های صوتی و ویدیویی یک بار مصرف که پس از پخش حذف می‌شوند،…
31 Сту, 2024

تماس‌های ارتقا یافته، جلوه‌ی تانوس و ربات‌های بهتر

در دهمین به‌روزرسانی سال ۲۰۲۳، تماس‌ها با افزایش عملکرد و کاهش میزان مصرف باتری بهبود یافته، جلوه‌ی جدیدی برای حذف پیام‌ها و چندین مورد…
31 Сне, 2023

ظاهر کانال، پست در استوری و موارد دیگر

در به‌روزرسانی کریسمس تلگرام، قابلیت تنظیم پس‌زمینه، اموجی وضعیت و لوگوی پروفایل برای کانال‌ها نیز فعال شده، کاربران می‌توانند پست‌های کانال‌ها را در استوری بازنشر کرده و امکان هدیه…
23 Сне, 2023